Хоти: Ќе отвориме косовска амбасада во Ерусалим и покрај противењето на ЕУ
Косовскиот премиер Авдулах Хоти изјави денеска дека официјална Приштина ќе отвори амбасада во Ерусалим, согласно договорот со американскиот претседател Доналд Трамп и покрај противењето на ЕУ, јави Радио Слободна Европа.
Хоти рече дека тоа е обврска која ја презела Приштина и оти ќе продолжи со примената на тој договор.
По денешната средба во Брисел, Хоти рече дека денеска во Брисел не станало збор за договорот во Вашингтон, но најави усогласување со европската политика во иднина.
– Тоа не беше тема на состанокот. Нашата перспектива е интеграција во Европската унија. Немаме друг начин, мора напорно да работиме со ЕУ. Договорот беше постигнат во Вашингтон, а признавањето од Израел е важен чекор за консолидирање на државноста на меѓународната сцена. Ќе работиме заедно. Заедно со ЕУ и САД за зајакнување на државноста на Косово. Ја презедовме обврската и ќе се движиме во таа насока, рече Хоти.
Како што објаснија европските официјални лица за Радио Слободна Европа, самото прашање за отворање амбасади во Ерусалим било неочекувано и нешто што многу го изненадило Брисел.
– Не постои ниту една ЕУ амбасада во Ерусалим. Канцеларијата на делегацијата на ЕУ не е во Ерусалим, изјави денеска портпаролот на ЕУ Питер Стано. Тој потсети на заедничкиот став на Европската унија дека статусот на Ерусалим за ЕУ останува непроменет и дека тие се за „моделот на две држави“. Затоа, европските официјални лица очекуваат и Косово и Србија да ја усогласат својата надворешна политика со онаа на ЕУ, пренесува РСЕ.
Ново на Сител
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца
-
Доживотен затвор за Усеин Р. кој со 42 убоди од нож ја уби Танкица Младеновска од Кочани
-
Училиштата каде што ќе се гласа на изборите, на 23 април и 7 мај ќе работат до 11 часот