Хотелите во Словенија бележат пад од 99 отсто на ноќевањата
Поради мерките на словенечката Влада во борбата против коронавирусот, хотелите во земјата бележат историски пад на бројот на ноќевања.
Според Заводот за статистика, намалувањето во април, во споредба со истиот месец минатата година изнесува 99 отсто. Во сите хотели, мотели и преноќишта во земјата минатиот месец се регистрирани само 11.000 ноќевања, а најголем дел од нив ги направиле странски студенти или лица кои посетувале некаква обука во Словенија.
Заводот наведува дека од јануари до крајот на април во Словенија се регистрирани 660.000 туристи што е за 52 отсто помалку во споредба со истиот период лани.
Со цел да се подобри оваа статистика, Владата одлучи на сите полнолетни граѓани, вклучувајќи ги и пензионерите да им додели неповратни ваучери со вредност од 200 евра кои ќе можат од јуни до септември да се користат исклучиво за плаќање сместување во Словенија.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари