Хорнер: Формула 1 треба да ги спаси тимовите кои се пред банкрот
Шефот на Ред Бул, Кристијан Хорнер изјави дека раководството во Формула 1 треба финансиски да им помогне на тимовите кои се изложени на ризик од банкрот заради кризата со коронавирус. Девет стартови на календарот за оваа сезона се одложени или откажани, а се чини веројатно дека во 2020 година нема да има Формула 1, што ќе биде штетно за некои од тимовите во најпопуларната автомобилска трка.
Според Хорнер, сопствениците на Формула 1 – „Либерти Медиа“, ќе треба да се вмешаат за да ги поддржат клубовите.
– Ова може да биде огромен удар за спортот и „Либерти“ ќе мора да интервенира. Тоа е нивниот бизнис, тие треба да решат како ќе ги спасат овие тимови затоа што им требаат тимови за да се натпреваруваат. Мислам дека „Либерти“ ќе стори сé што е во нивни сили, за сите десет екипи да можат да се натпреваруваат следната година. За да ги заштитат своите бизниси, верувам дека ќе платат што е потребно за да се спасат овие тимови, коментира Хорнер.
Во моментов, првиот старт на Формула 1, кој сè уште не е одложен, е француското Гран-при, што ќе се одржи на 28 јуни во близина на Марсеј. Откако претседателот Емануел Макрон на почетокот на оваа недела објави дека карантинот во земјата е продолжен, се чини скоро сигурно дека оваа трка нема да се одржи.
Ново на Сител
-
На ГП Делчево фатени три лица со лажни ПЦР тестови
-
Бројот на починати од Ковид-19 во светот надмина 2,5 милиони
-
Меркел: Дигитален сертификат за вакцинација веројатно пред лето
-
Борисов е за електронски пасош за вакцинирани и луѓе што прележале Ковид-19 за слободно патувањe
-
Четири новородени кучиња и мајка отруени во Охрид | ВОЗНЕМИРУВАЧКО ВИДЕО
-
Заев до Николовски: До пред 4 години името и презимето ви беше страв да му го кажете на Мијалков
-
Николовски до Заев: Каде бил Мијалков ако бил во Скопје, зошто не е извршен претрес?
-
Филипче: Изградбата на Клинички е транспарентен, помина времето на криминални зделки во здравството