Хашим Тачи положи заклетва како нов претседател на Косово
Хашим Тачи денеска положи заклетва во косовскиот Парламент, со што го започна својот петгодишен мандат како претседател на Косово.
На полагањето заклетва не присуствуваше опозицијата. Свечената инаугурација на новиот претседтаел е закажана за утре.
Како што наведува и самиот текст на заклетвата, Тачи истакна дека целосно ќе се посвети на зачувување на „косовската независност, суверенитет и територијален интегритет“, како и на „гарантирање на човековите права и слободи, почитување и заштита на Уставот и законите, чување на мирот и благосостојбата на сите граѓани“.
Тачи на оваа функција ја замени досегашната косовска претседателка Атифете Јахјага.
За утре првпат е планирана церемонија за инаугурација на новиот претседател, која ќе биде организирана на централниот плоштад во Приштина. На неа ќе учествуваат околу 1.200 гости од 50 земји.
Лидерот на Демократската партија на Косово беше избран за шеф на државата кон крајот на февруари во третиот круг од гласањето во Парламентот.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација