Хаос на улиците низ Скопје: 41 сообраќајка , три лица потешко повредени

Во останатите 17 со полесни повреди се здобиле 28 лица, а 21 сообраќајка поминале само со материјална штета.

Како што информира МВР, во петокот сообраќајната полиција извршила увид на 11 сообраќајни незгоди, од кои во пет полесно биле повредени осум лица, а шест поминале само со материјална штета.

Во саботата извршен бил увид во 10 сообраќајни незгоди. Во две од нив со тешки телесни повреди се здобиле две лица и две лица се здобиле со полесни телесни повреди. Во четири сообраќајки полесно биле повредени четири лица, а во четири била причинета материјална штета.

Во недела бил извршен увид на 10 сообраќајки. Во една од нив, едно лице се здобило со тешки телесни повреди, а со телесни две лица, во три со полесни повреди се здобиле три лица, а шест биле со причинета материјална штета.

Вчера во Скопје бил извршен увид на вкупно 10 сообраќајни незгоди. Во пет полесно се повредени пет лица, а во пет е причинета материјална штета.

Во текот на изминатите четири дена полицијата открила и санкционирала 17 возачи кои го управувале возилото под дејство на алкохол и биле исклучени од сообраќај, 17 возачи се движеле со брзина поголема од дозволената, осум возачи поминале на црвено светло на семафор, осум возачи не отстапиле првенство на минување на пешаците на обележан пешачки премин, како и 82 возачи кои го управувале возилото без возачка дозвола или нерегистрирано. Биле затекнати и 83 непрописно паркирано возило.

Со помош на специјалното возило „пајак“, отстранети биле 98 возила.