Хант: Велика Британија сака да избегне Брегзит без договор
Владата во Лондон е решена во својот став да избегне истапување на Велика Британија од ЕУ без договор, изјави во Токио шефот на британската дипломатија Џереми Хант.
– Свесни сме на фактот дека Јапонија има бројни инвестиции што вработуваат стотици илјади луѓе во Велика Британија. Ние сакаме таа силна соработка да продолжи, изјави Хант на средба со јапонскиот премиер Шинѕо Абе.
Јапонија е еден од наголемите странски инвеститори во Велика Британија, каде јапонските фирми произведуваат возила и други стоки за широка потрошувачка, бидејќи ја сметаат земјата за врата за влез на пазарот на ЕУ.
Со евентуалното истапување на Велика Британија од ЕУ без договор и нерешени идни трговски односи со Унијата, земјата ќе ја загуби сегашната позиција, што во Лондон предизвикува стравување од можно повлекување на јапонските инвестиции и нивно префрлање во други европски земји.
За време на престојот во Јапонија, Хант ја посети и компанијата „Тојота Мотор“, која во соработка со „Сузуки“, планира да почне со производство на нов модел на автомобил во погоните во Велика Британија.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација