Хамнеи: Протестите во Иран се американска завера
Иранскиот верски лидер, ајатолахот Али Хамнеи денеска изјави дека неодамнешните протести во Иран поради зголемување на цената на горивото се „опасна завера” на САД.
– Непријателите испратија своја војска на терен, под изговор за зголемената цена на горивото. Народот и доброволците на паравојската Басиј славно го спречија тајниот план, наведе Хамнеи.
– Басиј е прорежимска доброволна милиција во состав на Иранската револуционерна гарда.
Иранските власти тврдат дека државните непријатели на Техеран – САД, Израел и Саудиска Арабија се одговорни за насилството, а протестите ги оценија како нелегални и оти се саботажа.
Според „Амнести интернешнл” иранските безбедносни сили убија најмалку 143 лица за време на протестите. Додека според иранските официјални извештаи на 15 ноември загинале девет лица од кои четворица демонстранти, тројца припадници на Иранската револуционерна гарда и двајца полицајци.
Според иранските власти поради протестите затворени се над илјади луѓе, меѓу кои и 180 наводни организатори на протестите на кои им се заканува смртна казна.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка