Група од 50 волонтери од Мировниот корпус положија заклетва
Педесет американски волонтери на Мировниот корпус во Македонија денеска положија заклетва. Ова е најголемата група волонтери во историјата на Мировниот корпус во Македонија.
Овие Американци и се приклучија на групата од повеќе од 700 американски граѓани кои служеле во Македонија од 1996 година.
- Волонтерите, не само што го претставуваат најдоброто што му го нуди Америка на светот, туку со себе го враќаат и најдоброто што може Македонија да го понуди на светот и на Соединетите Американски Држави, градејќи долговечен мост на соработка меѓу луѓето, истакна американскиот амбасадор Џес Л. Бејли, кој присуствуваше на свеченоста.
Како дел од подготвителната обука, волонтерите живееја во семејства-домаќини, изучувајќи го македонскиот и албанскиот јазик и култура. Тие имаа и практична обука, предавајќи во локалните училишта и помагајќи во локалните невладините организации.
Американските волонтери имаат работено во речиси сите општини во Македонија, соработувајќи со повеќе од 500 наставници, учејќи повеќе од 100.000 ученици и работејќи во партнерство со повеќе од 400 организации. Имаат организирано над 20 младински кампови, како и над 100 мали проекти.
Мировниот Корпус е основан 1961 година од претседателот Џон Ф. Кенеди.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка