Груевски: Почнува реализацијата на ветената инвестиција во Струмица
Инвестицијата на Џонсон контролс, која денеска почна да се реализира во Струмица, според лидерот на ВМРО-ДПМНЕ Никола Груевски, е значајна и ќе отвори најмалку 1.500 работни места во овој регион и дополнително повеќе индиректни вработувања.
- Ова е многу значајна инвестиција за Струмица. Прва од ваков поголем вид на која многу работевме како економски тим во Владата. Минатата година ја ветив тука во Струмица и еве сега почнува реализацијата на делот што е грин филд, односно на изградба на нова фабрика во која треба да се вработат 1.500 луѓе како директни вработувања и голем број луѓе како индиректни вработувања, изјави Груевски и додаде дека ова е инвестиција од 20 милиони евра која ќе значи сериозна помош за луѓето што се без работа во овој регион на Струмица, но и пошироко.
Како што додаде, првите 1.300 вработувања треба да се реализираат до првиот квартал од следната година, кога се очекува да заврши изградбата на објектот, а потоа уште останатите 200.
Груевски очекува оваа компанија да го надмине бројот на планирани вработувања, како што се случило и во фабриките во Скопје и Штип.
- Често пати оваа компанија знае да го надмине бројот на планирани вработувања, каков што е случајот и во Скопје и во Штип, така што нема да бидам изненаден ако се случи наместо 1.500 да дојдат 1.800 или можеби и до 2.000 и плус оние индиректни вработувања кои секогаш доаѓаат со еден ваков голем конгломерат, рече Груевски кој денеска присуствуваше на означувањето на почетокот на изградбата на фабриката во ТИРЗ во Струмица.
Ново на Сител
-
Г-7 одлучни да ја засилат ПВО на Украина
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија