Гренел го поздрави „Мини Шенген“ и го повика Косово да се приклучи
Претставникот на американскиот претседател Доналд Трамп за разговорите меѓу Косово и Србија, амбасадорот Ричард Гренел, ја поздрави иницијативата за „балканскиот Шенген”, истакнувајќи дека иницијативата би можела да биде успешна доколку во неа се вклучат сите од регионот, вклучително и Косово, се наведува во изјавата на Амбасадата на САД во Берлин.
-Ја поздравуваме иницијативата „Мини-Шенген” за Западен Балкан, како начин да се започне слободното движење на луѓе и стоки. Веруваме дека за да успее оваа иницијатива, таа мора да ги вклучи сите во регионот, вклучително и Владата на Косово.
Администрацијата на Трамп е насочена кон помош на целиот регион во создавање економски можности и работни места за младите, се вели во соопштението на амбасадата на САД во Берлин.
Косово не учествуваше на неодамнешната средба во Охрид, опишувајќи ја иницијативата како обид за повторно создавање на Југославија.
Косовскиот претседател Хашим Тачи рече дека Косово не сака да ја замени евроатлантската иднина со ниту една регионална иницијатива, објави порталот „Косово онлајн”.
Лидерот на Движењето Самоопределување, Албин Курти, кандидат за косовски премиер, во средата изјави дека е направена грешка во чекорите во врска со регионалната иницијатива за слободно движење на луѓе и стоки.
Според него, Албанија мораше да почека со формирање на новата косовска Влада пред која било регионална иницијатива.
Албанскиот премиер Еди Рама го критикуваше Косово за самоизолација, нагласувајќи дека иницијативата има за цел само слободно движење на луѓето низ Западен Балкан, потсетува порталот Косово онлајн.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово