Грција започнува со издавање дигитален сертификат за вакцинација
Започнува издавањето на дигиталниот сертификат за вакцинација, тоа е уште една грчка иновација, рече премиерот на Грција Кирјакос Мицотакис за време на состанокот за текот на спроведувањето на националниот план за вакцинација и додаде дека оваа потврда не значи ограничувања, туку олеснување на движењето и патувањето, јави дописничката на МИА од Атина.
Грчкиот премиер објасни дека сертификатот е за потврдување на законската вакцинација и е за лична употреба на граѓаните и уште еднаш го повтори предлогот до ЕУ за „единствен сертификат по европски стандарди“.
-Сакам да истакнам дека не станува збор за никакво ограничување, туку напротив ќе ни олесни да се ослободиме од рестрикциите што сега ги наметнува Ковид во патувањата на европските граѓани. Тоа е нешто што особено се однесува на нашиот туризам и перспективите на нашата економија, особено во пресрет на летната сезона, рече Мицотакис и додаде дека засега, овој предлог наидува на топол прием.
За конкретниот грчки предлог ќе се дискутира на утрешниот Самит на ЕУ, а Мицотакис изрази надеж дека ќе се постигне договор за единствен систем за сертификација.
Истакна дека на Самитот ќе побара од Европската комисија да се активира за побрзо одобрување на останатите вакцини, но и да изврши притисок до Фајзер за забрзување на производството на вакцини за „компанијата да биде доследна за дозите за кои се обврза да ги достави до европските земји во првиот квартал од 2021 година“.
Во однос на процесот на вакцинација во Грција, Мицотакис рече дека се одвива регуларно, со големо учество, како на здравствените работници, така и на граѓаните над 85-годишна возраст, со над 90.000 вакцинирани и со закажани речиси 400.000 термини за вакцинација.
-Ние се вакциниравме и со втората доза, без апсолутно никакво несакано дејство. И секако, треба да повториме дека овие вакцини се чувствителни, бараат посебни услови и е многу важно да не се загуби ниту една доза, истакна Мицотакис.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово