Грчките медиуми за интервјуто на Димитров за српската ТВ „Н1“
„Ако беше само името, проблемот со Грција ќе беше решен“, е еден од насловите во онлајн изданијата на грчките медиуми на текстот за интервјуто на шефот на македонската дипломатија за регионалната телевизија „Н1“.
Медиумите во Грција го пренесуваат текстот објавен од грчката новинска агенција АНА-МПА, во кој акцентот е ставен на ставовите на Никола Димитров околу разговорите за името.
-Името е само еден аспект во спорот со Грција. Да беше само одредницата во името, лесно ќе го решевме проблемот, вели министерот за надворешни работи Никола Димитров во интервјуто за балканската телевизиска мрежа „Н1“, пишува грчката новинска агенција на почетокот од текстот.
Како што јави дописничката на МИА од Атина, медиумите во Грција го пренесуваат ставот на Димитров дека се водат тешки преговори за решавање на спорот и да се исправат грешките од минатото.
- Одлучен да го реши проблемот со името со ПЈРМ во текот на годината и отворен за компромис во однос на следните чекори во преговорите настапи министерот за надворешни работи на соседната земја, Никола Димитров, кој испрати и конкретна порака како до внатрешноста на земјата, така и до Атина, пишува електронското издание на весникот „Ефимерида тон сидактон“ и ја цитира изјавата на Димитров дека преговорите се во деликатна фаза и„ колку сме експлицитни во јавноста, толку се отежнува целиот процес“.
Грчките медиуми, во текстовите објавени на електронските изданија, го пренесуваат и ставот на шефот на македонската дипломатија и во однос на тоа дека нема талент за музика за да го следи примерот на неговиот српски колега.
-На барање на новинарката од „Н1“, во разговорите со господинот Коѕијас да ја следи специјалната дипломатија на Ивица Дачиќ кој му пееше на грчкиот министер, господинот Димитров одговори дека неговите уметнички грижи се распаднаа уште кога бил мал, кога открил дека нема талент, коментира грчката државна телевизија ЕРТ, и ја пренесува изјавата на Димитров дека ако го користи методот на пеење во дипломатијата, може само да има спротивен ефект.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово