Гостиварскиот кризен штаб бара патроли кои ќе проверуваат дали се почитуваат мерките во угостителските објекти
Формирање заеднички патроли со комунални, пазарни и полициски инспектори за да се конторлираат угостителите дали ги спроведуваат мерките за заштита од коронавирусот. Ова барање беше ставено во еден од заклучоците на меѓуопштинскиот штаб за општините Гостивар, Врапчиште и Маврово Ростуше по денешниот состанок.
– Денеска ќе испратиме предлог до Државниот пазарен инспекторат и МВР за да организираме заеднички патроли во кои, покрај комуналните ќе има инспектори и преставници од овие институции. Тие заеднички на терен ќе ги конторлираат граѓаните и угостителите и дали ги почитуваат протоколите и препораките на здравствените власти. Очекувам за овој предлог да се договориме во понеделник, рече Арбен Таравари, претседател на штабот.
Според него, овие патроли веднаш нема да казнуваат туку ќе опоменуваат, а ако недостатоците се повторуваат, тогаш да се прејде кон санкционирање.
Таравари и препорача на централната власт да отпочне со поопсежна кампања за опасноста од Ковид-19 и подигање на свеста кај граѓаните. Тој побара да има и материјали на албански јазик, со што пораките ќе стигнат и до оваа етничка заедница.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација