Гори шума во околината на Скопје - пожарот го гасне и локалното население
Дабова шума, нискостеблести растенија и сува трева горат во пожарот на територија на општина Сарај. Според проценките на скопската противпожарна бригада со огнот е зафатена територија од 100-тина хектари.
Пожарот се движи во правец од селото Буковиќ кон соседното Раовиќ. Потпомогнат од ветрот, огнот се доближува и кон селото Ласкарци.
Освен пожарникарите во гасењето на учествуваат и вработени во јавното претпријатие Национални шуми. Од дирекцијата за заштита и спасување велат дека заради пристапниот терен, не е планирано да се вклучат воздухоплови.
Според наделжните, засега во гасењето отсуствува помош од локалните власти на територијата каде е активен пожарот. И покрај законската обврска, општината Сарај нема испратено екипа за справување со огнот.
-
Зоран Јаневски
Сите содржини од овој новинар