Гори градската депонија во Кочани
Облаци од густ и смрдлив чад се издигаат од градската депонија во близина на селото Бели на патот кон Спортско рекреативниот центар Пониква, а оттаму пак се шират по целиот планински предел, достигнувајќи дури и до оддалечените села во Осоговијата.
Чадот стигна и до Кочани, па граѓаните реагираа поради силниот мирис на изгорено.
- Она што можеше да се забележи на самото место е дека депонијата гори на повеќе места, а се забележуваат и високи пламени јазици што излегуваат од отпадот. Депонијата е во непосредна близина на селото Бели, реагира Илија Јосифов, жител на селото.
Од комумалното Јавно Претпријатие „Водовод“ кое стопанисува со депонијата истакнуваат дека редовно со механизација истураат земја на местото каде што се појавува пожарот, за да се оневозможи пристап на кислород и горење на пластиката и хартијата. Покрај ова се врши редовен надзор на самата локација,околината редовно се заорува за да се спречи ширењето на огнот. И покрај ваквите настојувања депонијата на повеќе места гори.
Општините од регионот преку Источниот плански регион донесоа програма за затворање на помалите депонии во општините и пренасочување на изнесување на сметот по општини. На кочанската депонија се планира депонирање на сметот како од Кочани така и од општините Виница, Зрновски и Чешиново Облешево, се до изнаоѓањето на дефинитовно решение за изградба на депонија за складинирање на одпадот од општините од Источна Македонија.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари