Гореа две семејни куќи во тетовско - пожарникарите со часови се бореле со огенената стихија
Две куќи целосно изгореле, а една е оштетена во пожар во тетовското планинско село Седларево што припаѓа на општина Желино. Пожарот избувнал вчера доцна попладне, а пожарникарите интервенирале до доцните ноќни часови.
-Тетовската против пожарникарска единица доби повик во 18 часот, но додека стигнавме веќе огнот беше проширен. Двете куќи целосно изгореа, додека во третата успеавме некако да го спречиме огнот да се шири понатаму и да зафати други објекти. Имавме помош од жител на селото кој со голем трактор ни носеше вода. Неколку часа траеше гаснењето. Екипата се врати на полноќ, но имајте предвид дека речиси еден час треба да се стигне до тоа село, изјави Ука Алити, командант на тетовската против пожарна единица.
На интервенција дошле шест пожарникари со три возила. Седларево се наоѓа на планината Сува Гора на надморска височина од 1.218 метри.
Ново на Сител
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ