Главните обвинители на 15 држави и округот Колумбија го осудија указот на Трамп за ограничување на имиграцијата
Главните обвинители на 15 американски држави и на округот Колумбија, кои претставуваат приближно една третина од населението на САД, вчера го осудија антиимигрантскиот указ на претседателот Доналд Трамп, јавија светските агенции.
Во заедничкото коминике главните обвинители, сите од Демократската партија, указот на Трамп го нарекуваат „антиамерикански и незаконски“ и изразуваат увереност дека тој ќе биде отфрлен од судовите.
„Ние го осудуваме указот на претседателот Трамп, кој им противоречи на Уставот, на вредностите на Америка и е незаконски, и ќе работиме заедно да гарантираме дека федералната Влада се потчинува на Уставот, ја уважува нашата историја, што се темели на имиграцијата и не етикетира никого само заради неговата националност или вера“, посочуваат главните обвинители во коминикето, цитирано од француските медиуми.
Според нив, „религиозната слобода била и секогаш ќе биде основниот принцип на нашата држава и ниту еден претседател не може да ја промени оваа вистина“.
Судии во најмалку пет држави го блокираа извршувањето на указот од федералните власти, пренесуваат британските медиуми. Притоа, адвокати, кои ги претставуваат засегнатите луѓе со ограничувачките мерки, изјавуваат дека некои претставници на власта вчера не сакале да ги реализираат одлуките на судиите.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово