Гласачките ливчиња за референдумот во Каталонија тајно печатени во Франција, тврди активист

Повеќе милиони гласачки ливчиња, кои беа користени на забранетиот референдум за независност на Каталонија, тајно се печатени во Франција, а потоа прошверцувани преку граница, изјави активистот за независност, Жорди Вера.

- Луѓето кои работеа на ова не сакаат да бидат идентификувани бидејќи шпанските судии би можеле да се обидат да ги гонат кривично или да бараат нивна екстрадиција, изјави Вера од групата „ДА за држава Каталонија“.

Вера истакна дека тој и неговите колеги сакале да покажат солидарност. Голем број Каталонци живеат во југозападна Франција, каде активисти, наклонети кон независност на шпанската покраина, биле ангажирани да произведат неколку милиони гласачки ливчиња.