Тенис
29. April 2017 - 17:32

Ѓорческа ќе игра во финалето на фјучрсот во Тунис

Македонската тенисерка Лина Ѓорческа успеа да се пласира во финалето на фјучрсот во Тунис (награден фонд 60.000 долари). Таа попладнево во полуфиналето со пресврт стигна до триумф над тенисерката од Хрватска Петра Мартиќ со 2-1 во сетови.

Првиот сет го доби Мартиќ со 6:3 во гемови, а во следните два Ѓорческа беше подобра со 6:4 во гемови. Мечот траеше 115 минути.
Нашата тенисерка освои еден поен повеќе во мечот 94:93, а двете имаа по четири брејка.
Во финалето утре од 12 часот Ѓорческа ќе игра против Рајчел Хогенкамп(Холандија, 3 носителка), која со 2-0 во сетови (7:6 (7:4) и 6:1) ја победи Агнеш Букта (Унгарија). 
Ѓорческа на турнирот настапува како седма носителка.