Фудбал
11. July 2020 - 12:47

Гигс: Не го чепкајте Де Хеа, тој останува врвен голман

Легендата на Манчестер Јунајтед, Рајан Гигс ја коментираше ситуацијата околу голманот Давид де Хеа.

Шпанецот направи неколку невообичаени грешки оваа сезона и веќе се зборува дека на „Олд Трафорд“ се размислува да го замени со Дин Хендерсон.

Сепак, Велшанецот смета дека ова не е добра идеја.

– Мислам дека падот на формата на Давид не е толку голема како што велат некои луѓе. За мене тој останува врвен голман. Доаѓањето на Алисон и Едерсон во Ливерпул и Манчестер Сити не изгледаше добро за него, но тој продолжува да е меѓу најдобрите голмани во светот. Сум играл со него, го тренирав и знам дека тој е брилијантен голман, иако во последно време направи повеќе грешки отколку во последните пет-шест сезони, но според мене одбраната пред него не е доволно стабилна и воопшто не му помага. Такво нешто не е добро за ниту еден голман. Но, Де Хеа е врвен, врвен голман. Кога ќе започнете да експериментирате со голманската позиција, тоа може да биде опасно, како што научивме по замената на Шмајхел. Мислам дека сега не е време Манчестер Јунајтед да го замени, рече Гигс.