Германија ги затвора границите за патниците од Велика Британија поради Омикрон
Германија вечерва, заради заштита од варијантата Омикрон, се придружува на Франција и ќе ги затвори своите граници за повеќето патници од Велика Британија.
Ограничувањата за патување стапуваат на сила во недела навечер. Повеќето патници од Обединетото Кралство нема да можат да влезат во земјата, освен германските државјани, кои ќе мора да имаат негативен тест при преминувањето на границата и да поминат две недели во карантин без разлика дали се вакцинирани.
Институтот „Роберт Кох“ ги воведе овие нови ограничувања бидејќи го прогласи Обединетото Кралство за област со висок ризик од ширење на Ковид.
Покрај Британија, на листата на земји со висок ризик се и Данска, Франција, Норвешка и Либан, а патувањата од овие земји исто така ќе бидат ограничени.
Британските научни советници предупредуваат дека во Англија, доколку не се воведат дополнителни мерки, може да има по 3.000 хоспитализации дневно.
Во Велика Британија вчера се пријавени 90.418 нови случаи на инфекција со Ковид-19.
Француските власти во саботата, поради загриженоста околу варијантата Омикрон, го забранија пристигнувањето на британски туристи. Според новите правила, на граѓаните на Обединетото Кралство сега им е потребна „оправдана причина“ за да влезат во Франција и не им е дозволено да патуваат за туристички или деловни цели.
Превозниците и француските државјани се изземени од оваа одредба.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка