-->
-->
Галовеј: Велика Британија изразува силна поддршка за старт на преговорите на Македонија со Европската Унија
-->
Велика Британија изразува силна поддршка за старт на преговорите на Република Северна Македонија со Европската Унија, изјави денеска британската амбасадорка Рејчел Галовеј, при посетата на Општина Македонска Каменица. Таа изрази надеж дека европските земји ќе донесат позитивна одлука по ова прашање, врз основа на сето она што државата го направи за старт на преговорите.
-Јасно е веќе со години дека Северна Македонија ги исполнува критериумите за да се отворат преговорите со ЕУ. Ние ја поддржуваме Северна Македонија за отворање на преговорите и се надеваме дека Европските земји ќе ја донесат таа одлука врз основа на критериумите, а не врз основа на некои други политички фактори, рече Галовеј.
Таа додаде дека Велика Британија ќе продолжи да биде еден од најголемите инвеститори во државата, одговарајќи на новинарско прашање дали има некои промени по излегувањето на нејзината земја од ЕУ во однос на соработката со Република Северна Македонија.
-На крајот на минатата година се потпиша договор за трговска размена помеѓу двете земји, каде што понатаму само ќе се подобруваат и ќе се зајакнуваат трговските врски помеѓу двете држави. Ние сме едни од најголемите инвеститори во Северна Македонија така да во периодот кој следи само можат да се зајакнат тие врски помеѓу двете држави, нагласи Галовеј.
Покрај средбата со градоначалничката Соња Стаменкова, Галовеј најави дека ќе се сретне со претставници на Рудник Саса, а ќе има и свое обраќање на церемонија организирана од Женскиот фудбалски клуб Саса.
-->
-->
-->
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари