Фон дер Лајен: ЕУ подготвува итен план за опстанок без руски гас
Европската комисија најави создавање итен план со цел да им помогне на земјите-членки на ЕУ да се справат без руски енергетски извори, пренесува Скај Њуз.
Претседателката на Европската комисија Урсула фон дер Лајен синоќа изјави дека станува збор за иницијатива која го продолжува планот на ЕУ за ослободување од зависноста од рускиот јаглен, гас и нафта и „оди рака под рака со забрзување на развојот на обновливите извори на енергија“.
Таа рече дека планот, кој треба да биде завршен до средината на јули, ќе се фокусира на две клучни точки: „каде и како да се заштеди енергија на паметен начин за да се намали потребата за руски гас и нафта и да се поддржат земјите кои најмногу зависат од руски енергетски компании“.
-Потребен ни е заеднички план кој ќе обезбеди енергијата или гасот да одат таму каде што е најпотребно – рече Урсула фон дер Лајен.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња