Македонија
20. October 2020 - 14:04

Физичка пресметка помеѓу кичевци, едно од лицата пренесено на скопските клиники

Дваесетгодишен кичевец вчера бил физички нападнат од двајца негови сограѓани пред угостителскиот објект на бул „Ослободување“ во Кичево, а со тешки телесни повреди се здобило 22-годишно лице кое се обидело да го спречи нападот.

-Вчера во 18.30 часот, пред угостителски објект на бул.„Ослободување“ во Кичево, нарушен е јавниот ред и мир со физички напад извршен од Х.К.(56) и Л.К.(23) врз Л.Х.(20), сите од Кичево информира портпаролот на СВР Охрид Стефан Димоски.

Тој додаде дека во обид да го спречи нападот бил физички нападнат и Б.Х.(22) од тетовското село Боговиње, при што се здобил со тешки телесни повреди, констатирани во Ургентниот центар во Скопје.

По целосно расветлување на настанот, ОВР Кичево ќе поднесе соодветна пријава ,објаснува Димоски.