Филмот за џиновската круша синхронизиран на македонски и албански јазик
Дистрибутерската куќа „Катавеј“ втора година е дел од голем меѓународен проект во кој учествува и Република Македонија, а се состои од кинодистрибуција на данскиот анимиран филм за деца „Неверојатната приказна за џиновската круша“. Филмот од утре ќе се прикажува во повеќе од 20 киносали во Македонија и он-лајн на платформата www.cinesquare.net.
Филмот синхронизиран на македонски и на албански јазик ќе се прикажува во Скопје, Куманово, Гостивар, Тетово, Дебар, Прилеп, Битола, Велес, Охрид, Струга, Радовиш, Струмица, Кавадарци, Неготино, Кичево, Гевгелија, Свети Николе, Пехчево, Македонски Брод, Демир Хисар, Крушево, Центар Жупа.
Овој филм истовремено се прикажува и во Хрватска и во Албанија, синхронизиран на јазикот на земјата каде се прикажува.
„Неверојатната приказна за џиновската круша“ во режија на Филип Ајнстин Липски, Јурген Лердам и Амелие Несби Фик беше номиниран за најдобар детски филм во КПлус програмата во рамките на Берлинскиот филмски фестивал 2018.
Оваа приказна ги учи децата да фантазираат, да бидат пријатели, да помагаат и да бидат снаодливи и вешти. Тоа е приказна за две другарчиња – слонот Себастијан и мачката Мичо кои се впуштаат во морска авантура за да го спасат исчезнатиот градоначалник Џи Би, кому еден ден мистериозно му се губи трагата. Тие го совладуваат морето со нивната џиновска круша и во текот на нивната авантура ќе налетаат на пирати, змејови и чудни духови.
Филмот е базиран на истоимената популарна книга за деца од Јакоб Мартин Стрид и е наменет за публика на возраст од четири до 14 години.
„Катавеј“ втор пат е организатор на голем меѓународен проект во рамки на програмата МЕДИА на Креативна Европа. Лани успешно го реализираше синхронизираниот филм „Малиот гангстер“ кој го гледаа повеќе од 10.000 деца само во Македонија.
Ново на Сител
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина