ФХ3Х во петтото продолжение на Невозможна мисија
Македонската компанија за анимација и визуелни ефекти ФХ3Х е дел од визуелните ефекти на петтото продолжение на популарната акција Mission Impossible со Том Крус, наречено Rogue Nation, чија премиера во Скопје е предвидена за 30 јули.
Кристијан Даниловски, косопственик на ФХ3Х изјави дека по првпат се дел од овој серијал и на овој проект работеле во текот на февруари и март годинава, со тим од 20 артисти.
- Невозможна мисија е на листата на најуспешни франшизи, бидејќи досега претходните четири заработија над 2 милијарди американски долари на глобално ниво. Филмот е брз и динамичен, возбудлив и полн со адреналин, и промовира софистицирана технологија, меѓу другото, системот Connected Drive на БМВ, кој се користи во фантастични автомобилски егзибиции, кои со нетрпение ги очекуваме, изјави Даниловски.
Според синопсисот, во петтото продолжение додека агенцијата на Итан е распуштена, Синдикатот – Меѓународна криминална мрежа со исклучително вешти оперативци се посветени на задачата да воспостават нов Светски поредок преку серија терористички напади. Соочени со можеби најневозможната мисија досега, Итан го собира тимот за да го искорени Синдикатот, и се здружува со секој кој може да му помогне. Или можеби не?
Се прогнозира дека филмот би можел да заработи меѓу 40 и 50 милиони долари во првиот викенд од прикажувањето, што е во рамките на претходните делови. Четвртото продолжение Ghost Protocol заработи околу 30 милиони долари.
Премиерата на „Невозможна мисија - 5“ е закажана за 30 јули во 20 часот во киното Синеплекс.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп