Ф1
14. December 2020 - 8:55

Ферари во конкуренција на конструктори го има најслабиот пласман во последните четири децении

Формула 1 тимот на Ферари заврши на шестото место во годинашниот шампионатот на конструктори. Ова е најлош резултат на италијанскиот тим од 1980 година.

На денешната трка во Абу Даби, Ферари не освои ниту еден бод.

Пилотите на Ферари, Себастијан Фетел и Шарл Леклер немаат ниту една победа оваа година, а само три пати се искачија на подиумот.

Полош пласман во последните четири децении, „Скудерија“ забележа во 1980 година кога го освои 10. место во конкуренција на конструктори.

Оттогаш, Ферари има освоено десет титули меѓу конструкторите и шест индивидуални титули.