Европската Унија повикува на излезност во вториот круг од претседателските избори
Првиот круг од претседателските избори помина на мирен и транспарентен начин, но потребни се дополнителни реформи во изборното законодавство велат, како што јави дописничката на МИА од Брисел, европските челници.
Портпаролката на ЕУ институциите, Маја Коцијанчич, за МИА порача дека, според извештајот на набљудувачката мисија на ОБСЕ/ОДИХР, „фундаменталните слободи на здружување и изразување беа почитувани“ во првиот круг претседателските избори вчера и дека генералната оценка за нив е позитивна.
-Останува потребно да се финализираат претходно започнатите реформи на изборното законодавство, потсетува Коцијанчич.
Европската Унија ги повикува граѓаните на Северна Македонија да го искористат своето гласачко право во вториот круг на 5-ти мај и масовно да излезат да гласаат.
-Ги охрабруваме граѓаните да го искористат нивното демократско право и да учествуваат во голем број во вториот круг за да се важи нивниот глас, сметаат европските челници.
Дополнително, Брисел им порачува на сите страни „да ги обезбедат потребните услови за кредибилен и транспарентен изборен процес и општа политичка стабилност“, стои во реакцијата на ЕУ за првиот круг од претседателските избори.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри