Европол: Во Европа исчезнале најмалку десет илјади деца бегалци
Најмалку десет илјади деца бегалци, кои не биле придружувани од своите родители исчезнале откако стигнале во Европа, соопшти денеска европската полициска агенција Европол.
Постојат сомневања дека голем број од нив паднале во рацете на организирани криминални групи за трговија со луѓе, пишува британскиот весник „Гардијан“.
Директорот на Европол Брајан Доналд изјави дека илјадници малолетни бегалци исчезнале, откако биле регистрирани од државните власти.
- Само во Италија исчезнале пет илјади деца, додека во Шведска илјада деца се водат како исчезнати, нагласи Доналд и предупреди дека софистицираната сеевропска криминална инфраструктура сега своето внимание го насочила кон бегалците.
- Не е претерано да се каже дека во моментов трагаме по повеќе од десет илјади деца. Сите тие нема да бидат искористени за криминал, некои од нив се можеби предадени на членови на нивните семејства. Но ние не знаеме каде се тие, што прават и со кого се, истакна директорот на Европол.
Во Европската унија минатата година влегле 26 илјади деца без родителска придружба.
Европол, кој има повеќе од 900 разузнавачки аналитичари и полциски службеници, верува дека малолетниците се околу 27 отсто од околу милион бегалци, колку што лани пристигнале во ЕУ.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари