Свет
2. December 2016 - 9:21

Европол: ИД планира нови терористички напади во Европа

Екстремистичката групација Исламска држава планира нови терористички напади во Европа во блиска иднина, предупредува европската полициска служба Европол.

„Загубите на ИД во Ирак и Сирија и зголемениот број повратници од бојното поле го зголемуваат ризикот од напади во Европа. Врз основа на проценки на разузнавачките служби, се претпоставува дека во Европа веројатно веќе има десетици потенцијални борци на терористичката групација“, се посочува во извештај на Европол објавен денеска.

Според експерти, повторно ќе бидат цел Франција, Белгија, Холандија, но и Велика Британија и Германија, исто така се изложени на одреден ризик.