-->
-->
Еврокомесарите Јоурова и Аврамопулос идната недела во Скопје
-->
Еврокомесарите за правда и за миграција, Вера Јоурова и Димитрис Аврамопулос, ќе учествуваат на министерскиот форум ЕУ-Западен Балкан посветен на правдата и внатрешните работи, што ќе се одржи во Скопје на 18 и 19 ноември, соопшти Европската Комисија.
В понеделник, комесарката за правда Јоурова ќе учествува на состанокот на кој ќе се дискутира за владеењето на правото и судските реформи, како и за условите во затворите и употребата на алтернативни санкции. Јоурова истиот ден ќе одржи и дебата со студентите од Правниот факултет.
Во вторник, еврокомесарот за миграција Аврамопулос ќе биде дел од министерскиот состанок за внатрешни работи на кој ќе се разговара за соработката во делот на миграциската политика и граничното управување помеѓу ЕУ и регионот.
На дневен ред ќе се најде и борбата против тероризмот, борбата против организираниот криминал и спречувањето на насилниот екстремизам.
На маргините на министерскиот состанок Аврамопулос ќе потпише два аранжмани кои ќе овозможат спроведување на заедничкиот план за борба против тероризмот помеѓу ЕУ и Западен Балкан.
Предвидени се и билатерални средби на еврокомесарите со премиерот Зоран Заев и шефот на дипломатијата Никола Димитров, а одделно Аврамопулос ќе се сретне со министерот за внатрешни работи Оливер Спасовски, а Јоурова со министерката за правда Рената Дескоска.
-->
-->
-->
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.