ЕУ ќе издвои дополнителни средства за бегалците во Грција

Европската унија денеска соопшти дека ќе издвои дополнителни 115 милиони евра за хуманитарни организации во Грција кои помагаат во програмата за згрижување бегалци и мигранти во пресрет на зимата.

Еврокомесарот за хуманитарна помош и управување со кризи Кристос Стилианидес изјави дека по состанокот со грчките претставници парите ќе бидат искористени за поддршка за школување на бегалците, исхрана, греење и објекти во кои се сместени деца бегалци без придружба.

Во Грција се наоѓаат околу 60.000 бегалци.

Американската организација Хјуман рајтс воч вчера ги критикуваше грчките власти поради праксата за употреба на полициски ќелии за сместување деца мигранти без родителска придружба.