ЕУ ја зајакнува борбата против ракот
Европската комисија најави зајакната борба против ракот, кој според Евростат, го убива секој четврт граѓанин на ЕУ.
Претседателката на Еврокомисијата Урсула фон дер Лајен денеска, на Светскиот ден на борба против ракот, денеска ќе го претстави европскиот план, насловен „Победете го ракот“, што е прв чекор во јавната расправа, во која ќе бидат изнесени мислења на лекари, научници, здруженија и политички лидери.
„Студирав медицина за да им помогнам на другите да ја совладаат тагата и беспомошноста“, напиша таа на Твитер, посочувајќи дека иако е зголемена стапката на преживеани заболени од рак, претстои уште многу работа.
Речиси 1,2 милиони луѓе починале од рак во Европската унија во 2016 година, објави денеска Евростат, врз основа на најновите достапни податоци. Тоа значи дека канцерот е виновен за 26 отсто од сите смртни случаи во таа година во Унијата.
Ракот на белите дробови е најсмртоносен облик кај мажите, а ракот на дојка кај жените, наведува Евростат, при што стапката на морталитет кај мажите е поголема од стапката на смртност кај жените.
Унгарија има највисока стапка на смртност, 345 на 100.000 жители, по што следат Хрватска, Словачка и Словенија.
Медитеранските и нордиските земји имаат најниски стапки на смртност, а Кипар е рекордер со 194 смртни случаи на 100.000 жители.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април