Ракомет
29. January 2016 - 21:00

ЕП Полска 2016: Данке Дојчланд, Македонија на олимписки квалификации

Германија е првиот финалист откако по продолжетоци во првото полуфинале ја победи Норвешка со 34:33. Во регулраниот дел натпреварот заврши со 27:27. Откако Норвешка остана без финале и шанса да го освои шампионскиот пехар Македонија како деветтопласирана на СП во Катар ќе игра на олимписките квалификации во април. Ривали во квалификациите ќе ни бидат: Полска, Чиле и поразениот од финалето од африканскиот шампионат Египет или Тунис.

Во првото полуфинале Германија по продолжение ја победи Норвешка со 34:33 и се избори за своето прво полуфинале по 2004 година кога и беше европски шампион.

Полуфиналето беше изедначено во целост, а во првиот дел Германија беше подобра и по 30 минутио водеше со 14:13. Во вториот дел Норвешка водеше во најголемиот дел, а Германија преку Руне Дамке на 20 секунди до крајот успеа да изедначи на 27:27 и да се избори за продолжение. Во дополнителните минути Германија имаше постојано водство од еден гол, а решавачкиот погодок го постигна Каи Хефнер на пет секунди пред крајот на продолжетоците.

Тобиас Рајхман кај Германија со 10 голови беше најефикасен, додека во редовите на Норвешка најдобар поединец беше голманот Оле Еревик со 16 одбрани.

Норвешка покрај тоа што ќе игра во натпреварот за 3.место, ќе биде и дел од олимписките квалификации што ќе се играат во месец април.

Во натпреварите за пласман што денеска се играа во Вроцлав:

5.место: Франција - Данска 29:26

7.место: Полска - Шведска 26:24