Екипите ко-сопственици на Евролигата не сакаат да одат под „капата“ на ФИБА

Единаесетте клубови ко-сопственици на кошаркарската Евролигата, го одбија барањето на ФИБА да го преземе организирањето на натпреварувањето и да го промени форматот.

Евролигашите истакнаа дека тие самите сакаат да одлучуваат за својата иднина како што беше изминативе 15 години од формирањето на елитното натпреварување.

Во писменото обраќање до ФИБА, евролигашите информираат дека ќе биде формирана комисија која ќе ги разгледа предлозите на европската организација и која ќе ги води преговорите од 1 ноември.

Предлогот на ФИБА е да се намали бројот на учесници од сегашните 32 на 16 од кои осум би биле со А-лиценца (Фенербахче, Ефес Анадолу, Реал Мадрид, Барселона, Панатинаикос, Олимпијакос, Макаби и ЦСКА Москва), а четири места би имале шампионите на Италија, Германија, Франција и Литванија. Преостанатите места би ги пополниле квалификантите.