ЕК предупредува за можно присуство на Ешерихија коли во романско овчо сирење
Европската комисија издаде предупредување за можно присуство на бактеријата Ешерихија коли во овчо сирење, кое е произведено во Романија, откако Италија сигнализира за заболување на романско дете, кое е хоспитализирано во Фиренца.
Во предупредувањето, кое е издадено преку системот на ЕК за безбедност на храната, се наведува дека овој производ од Романија може да претставува „сериозна опасност“ за заболување.
ЕК ги предупредува сите земји членки на ЕУ да извршат анализа на ова сирење во дистрибутерските мрежи. Според податоци на Комисијата, романското овчо сирење главно се продава во Романија, Италија, Германија и Франција.
Цревната инфекција, од која страда 14-месечното романското дете, кое било пренесено во болница во Фиренца, е предизвикана од конзумација на романското сирење, потврдија синоќа специјализирани лаборатории во Италија.
Извршените анализи на романската санитарно-ветеринарна служба потврдиле присуство на бактеријата Ешерихија коли во некои млечни производи.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари