ЕК: Платите да растат паралелно со цените
Сиромаштијата ќе расте ако платите не го следат растот на цените. Европската комисија во најновиот извештај за земјава прогнозира дека инфлацијата ќе расте што е резултат на поскапувањето на цените.
Дел од европските земји да го спречат осиромашувањето на граѓаните применуваат модел на индексирање на платите со стапката на инфлација односно растот на инфлацијата секогаш е проследен со раст на платите. Но, ваквите правила си ги усвојува секоја земја поедичено, ЕУ не наметнува решенија во овој правец.
Според прогнозата на комисијата, инфлацијата ќе продолжи да расте, а тоа се должи на се поскапата храна и енергенси.
Комисијата очекува економското опоравување годинава да добие цврста основа и годинава растот да стигне до 3,7%, враќање на патеките од пред кризата се очекува за догодина.
-
Наташа Хаџиспиркоска Стефанова
Сите содржини од овој новинар