Едукативен камп на подмладокот на Општинскиот црвен крст - Велес

Подмладокот на Општинската Организација на Црвен крст (ООЦК) од Велес денеска го почна 5. едукативен камп во велешкото село Отовица во близина на Езерото „Младост“.

Според Орданче Рибарски, член на координативното тело при ООЦК Велес, на кампот учествуваат 40 волонтери, десет од Велес и триесет од останатите подмладоци на Општинските Организации на Црвен крст во земјава.

- Целтта на овој едукативен камп кој ќе трае наредните неколку дена е волонтерите на Црвен крст да стекнат знаења за тим билдинг не преку класични предавања, туку преку игри од кои ќе се извлекуваат заклучоци. Поентата е да се стави акцент на тимската работа која е многу важна за членовите на оваа хуманитарна организација, рече Рибарски.