Еден полицаец ранет при нападот врз полициската станица во Газиантеп

Еден полицаец е тешко ранет при денешниот напад врз полициската станица во југоисточниот турски град Газиантеп.

Во престрелката што уследила по нападот, е убиен и еден од напаѓачите.

Според турската телевизија НТВ, на место на инцидентот има голем број возила на брзата помош, а престрелката се уште трае.

Според локалните медиуми, три вооружени лица отвориле оган врз полициската станица. Според други извори, се работи за самоубиствен напад, но извршителите не успеале да ги активираат бомбите.

Според трети извори, напаѓачите биле двајца или тројца и успеале да побегнат, а полицијата трага по нив.

Газиантеп е најблискиот турски град до сириската граница.