ЕЦХР: Државите можат да воведат полесни затворски казни за жените
Државите, во своето законодавство, можат да предвидат полесни казни за некои категории на луѓе, како на пример за жените, пресуди денеска Европскиот суд за човекови права (ЕЦХР).
Судот аргументира дека ваквите одредби се знак на социјален напредок.
ЕЦХР заседаваше по барања на двајца руски затвореници, на 25 и 30-годишна возраст, осудени на доживотен затвор, едниот за убиство, а другиот за обид за убиство на полицаец. Тие поднеле жалба дека рускиот кривичен законик е дискриминаторски поради тоа што предвидува дека малолетниците, жените и лицата на возраст над 65 години не може да бидат осудени на доживотна затворска казна.
- Изгледа тешко дека може да биде критикуван рускиот законодавец за одлуката да бидат исклучени некои категории на прекршители од доживотно лишување од слобода, наведе ЕЦХР.
- Ваквите исклучоци се социјален напредок во кривичната правда и претставуваат пропорционално средство за наметнување на принципите на праведност и хуманост, оцени судот во Стразбур.
Одлуката на Европскиот суд за човекови права е конечна.
Судот истакна и дека во однос на кривичното право ќе биде оставена широка слобода на земјите, бидејќи по тоа прашање нема консензус меѓу 47-те земји членки на Советот на Европа.
Единствено прашање, по кое има согласност меѓу нив е за прекршителите кои не се полнолетни во моментот на пресудата - да не можат да бидат осудени на доживотна казна затвор, во сите земји членки без исклучок, забележа ЕЦХР.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово