Џонсон именува министри во новата британска Влада
Британскиот премиер Борис Џонсон синоќа, по преземањето на должноста, именуваше министри во новата Влада, кои ќе му помогнат да спроведе Брегзит до 31 октомври.
Џонсон го именуваше поранешниот министер за Брегзит, Доминик Раб, кој ја напушти владата на Тереза Меј поради нејзиниот договор за излегување на Велика Британија од ЕУ, за шеф на дипломатијата и за прв државен секретар.
Нов министер за Брегзит е Стивен Баркли.
За нов министер за финансии именуван е поранешниот министер за внатрешни работи Саџид Џавид (49), додека поранешната министерка за меѓународен развој Прити Пател именувана е за министерка за внатрешни работи.
Бен Волас е именуван за министер за одбрана. За министер за здравство именуван е Мет Хенкок, додека министерка за заштита на животната средина е Тереза Вилерс.
Лиз Трас е именувана за министерка за трговија, Гевин Вилијамсон за министер за образование, а Ники Морган е именувана за министерка за култура.
За министер за Северна Ирска именуван е Џулијан Смит, а Роберт Бакленд за министер за правда.
На списокот на членови на Кабинетот е и помладиот брат на новиот премиер Џо Џонсон кој е именуван за државен секретар во Министерството за бизнис, енергетика и индустриска стратегија.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април