Џет-Сет
5. March 2017 - 10:15

Џенифер Лопез ја продава вилата за седум милиони долари поевтино

За својата вила со девет спални соби, 12 бањи и огромен базен славната актерка и танчерка Џенифер Лопез во 2015 година бараше 17 милиони долари, а сега цената ја спушти на 10 милиони.

Откако се всели во новиот дом на Бел Ер, вреден 25 милиони долари, Џенифер Лопез одлучи да продаде некои свои недвижнини.

Целата луксузна вила во Калифорнија, во која таа живеше со поранешниот сопруг Марк Ентони, одлучи да ја продаде за „ситни“ 10 милиони долари. Во неа имаше приватно кино, фитнес сала и студио за снимање песни.

Со толку голем попуст таа лесно најде купувач, па сега е пред потпишување на купопродажен договор. 

-Нема причина да не ја спуштам цената. И за вилата на Бел Ер ми бараа 40 милони, а на крајот ја купив за 28 милиони долари. Ценкањата се нормална работа, особено кога станува збор за толку вредни недвижнини, рече Џенифер.