Свет
11. September 2016 - 11:29

Две лица загинаа при несреќа на патнички брод во Германија

Двајца мажи, членови на екипажот загинаа синоќа во инцидент на туристички брод во каналот Рајна-Мајна-Дунав во Германија, соопшти германската полиција, пренесува ТАСС.

Бродот патувал за Будимпешта со 180 патници и 49 членови на екипаж. Инцидентот се случил во Баварија во близина на градот Ерланген.

Според првичните информации бродот удрил во мост, при што била оштетена кабината за управување.

Спасувачката акција започнала во 6 часот изутрина по локално време, по што партниците биле изнесени на брегот. Во акцијата учествувале 200 спасувачи.