Две деца од Флорида со калашникови пукале кон полицајци
Две деца побегнаа од малолетнички дом во Флорида, упаднаа во куќа и пукаа со калашникови кон полицајците кои пристигнаа на местото на настанот, соопштија американските власти.
Децата, 12-годишно момче и 14-годишно девојче, пронашле пиштоли во куќата во која провалиле во Ентерпрајз на Флорида и пукале кон замениците на шерифот, соопшти канцеларијата на шерифот во округот Волусија.
Девојчето било застрелано и повредено откако вперило пиштол кон полицајците.
„Момчето, вооружено со калашников АК-47, го фрли оружјето и не беше повредено“, соопшти канцеларијата на шерифот.
Девојчето е оперирано и е во стабилна состојба, соопштија властите. Замениците на шерифот не беа ранети во пукањето.
Според канцеларијата на шерифот, обвиненијата против децата сè уште не се потврдени.
– Полицајците направија се што можеа за да ја деескалираат ситуацијата, речиси ќе беа убиени од 12-годишно момче и 14-годишно девојче, рече шерифот на округот Волусија, Мајк Читвуд.
Шерифот рече дека девојчето има досие и дека било уапсено минатата година поради палење неколку напуштени објекти.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка