Дванаесет дена протести во Софија, демонстрантите упорно бараат оставки од Владата на Борисов
Илјадници Бугари и денеска, 12 ден по ред, се собраа на антивладини протести, што се оддржуваат пред Националното собрание во Софија, а на кои се бара оставка од бугарската Влада.
Толпата извикуваше „Оставка“. На споменикот на Царот Ослободител беше кренат транспарент на кој пишуваше „Бојко, оди си“.
Меѓу транспарентите што се носеа можеа да се прочитаат и зборовите на поранешниот премиер Андреј Љапчев: „Со кроткост, со благо и со малку ќотек“.
Антивладини протести има и во други бугарски градови.
Стотици граѓани на Стара Загора уште еден ден се собраа на антивладини протести, а за првпат меѓу демонстрантите беше крената и кукла на премиерот Бојко Борисов. Со неа се предводеше процесијата, која стигна и до канцеларијата на партијата ГЕРБ во градот, каде куклата беше запалена. Барањата на демонстрантите се оставка на целата влада и на главниот обвинител Иван Гешев.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња