Двајца израелски тинејџери осудени за убиство на млад Палестинец
Двајца 17-годишни Израелци се прогласени виновни за убиство на 16-годишниот Палестинец, Мохамед Абу Караир.
Младиот Палестинец беше грабнат, а потоа запален и оставен да изгори. Абу Караир беше убиен во јули минатата година, во парк во Западен Ерусалим, како одмазда за убиството на тројца израелски тинејџери, кои еден месец пред тоа, беа грабнати, а потоа брутално убиени во Западниот Брег.
Пресудата за третообвинетиот во процесот за убиството на Абу Караир, 31-годишниот Јосеф Хаим Бен Давид, кој е обвинет дека го смислил и организирал убиството, е одложена, затоа што во последен момент одбраната побара дополнителни тестови за неговото ментално здравје.
Родителите на младиот Палестинец изјавија дека станува збор за обид да се спаси главниот виновник.
Изрекувањето на казните за двајцата осудени Израелци е предвидено за средината на јануари.
Тројцата Израелци беа убиени од милитантни екстремисти, поврзани со исламистичката организација Хамас која го држи под своја контрола Појасот Газа.
Безбедносните сили на Израел организираа голема потера за да ги уапсат, но двајца од нив беа убиени во вооружена пресметка со полицијата, а третиот беше уапсен и осуден на три доживотни казни затвор.
Двете убиства беа дел од ескалацијата на насилството, кое кулминираше со воените судири меѓу Израел и милитантните сили на Хамас.
Ново на Сител
-
ДИК: Гласањето во затворите тече без проблеми
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО