-->
-->
Два земјотреси ја стресоа Македонија
-->
Два нови земјотреси се регистрирани попладнево со епицентри кои се наоѓаат на десет километри североисточно од Охрид.
Потресите беа со Рихтерова локална магнитуда од 2,6 односно 2,3 степени, се почувствувани во Охрид и Ресен со интензитет од четири степени според Европската макросеизмичка скала.
Умерен земјотрес со интензитет од 2,5 степени според Рихтеровата скала и претходно го потресе Охридското сеизмичко подрачје, во 13:29 часот, со епицентар десет километри североисточно од Охрид.
Потресите не предизвикаа никакви материјални штети, но дополнително ги вознемирија жителите на Охрид, Ресен и околните населени места, кои веќе неколку дена се сведоци на тресење на тлото.
Само во текот на изминатата ноќ беа регистрирани два умерени потреси во охридско-ресенскиот епицентрален регион, во 2:02 и во 11:52 часот. Потреси беа регистрирани и претходните денови, чии епицентри беа лоцирани на половина пат меѓу Охрид и Ресен, поточно во непосредна близина на превојот Буково, додека епицентарот на еден земјотрес од пред два дена беше лоциран во близина на струшкото село Делогожда.
Експертите по сеизмологија оценуваат дека се работи за редистрибуција на напрегање на силите за сеизмички активно подрачје. Истовремено тие уверуваат дека не треба да се очекуваат да се случат земјотреси со поголема магнитуда, оттаму што со секој изминат земјотрес се губи потенцијалот за поголем потрес.
-->
-->
-->
Ново на Сител
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца