Два американски носачи на авиони овој месец во Средоземното Море

Американската војска овој месец ќе има два носачи на авиони во Средоземното Море, пред одржувањето на самитот на НАТО следниот месец во Варшава.

Носачот на авиони УСС Хари С. Труман, кој се наоѓа во Медитеранот од декември минатата година, ќе му се придружи на носачот УСС Двајт Д. Ајзенхауер на патот кон Персискиот залив, а потоа ќе се врати во САД.

- Овој чекор се совпаѓа со воените вежби во источниот дел на Европа и Турција, чија цел е проверка на одбранбените планови на Алијансата договорени минатата година, изјави американски воен претставник.