Македонија
10. July 2018 - 13:17

ДС: ЈО случајот на Саздовски да го третира како убиство

Демократскиот сојуз инсистира, Јавниот обвинител, во соработка со МВР да ги преземе сите законски активности и мерки се со цел тие што неодамна го претепаа до смрт Никола Саздовски да понесат кривична одговорност.
 
Се работи за убиство извршено на свиреп начин и обвинителството мора овој неразумен чин и така да го третира, а секој обид да се релативизира ова злосторство може да добие политичка и етничка димензија со тешки последици по јавниот ред и мир.
 
Ги повикуваме сите државни институции, посебно јавното обвинителство и судот, да работат професионално, одговорно, транспарентно и ефикасно.
 
Апелираме до сите граѓани и навивачки спортски асоцијации,  да останат присебни и воздржани, да не се конфронтираат и да не ја „земаaт" правдата во свои раце.
 
Само со почитување на законите и без политичко влијание врз МВР, ЈО и Судот, сторителите на ова убиство ќе ја понесат заслужената казна.
 
Демократски сојуз