Живот
13. јуни 2018 - 23:15

Дознале дека професорот спие во училиште бидејќи нема пари: Тие решиле да го изненадат со трогателен гест

Бруно Рафаел Паива, професор од Бразил, се нашол во финансиски проблеми.

Тоа го дознале и неговите ученици. Тие откриле дека нивниот учител не добил плата веќе два месеци поради што бил присилен да спие во училиштето.

Ја менувал колешката која била на породилно отсуство, но поради спората бирократија, плата не добил два месеци.

Кога учениците тоа го дознале, собрале 400 долари и му ги дале како „плата“. Тоа го трогнало до солзи:

-Ова не е вистина! Како можевте ова да го направите? - рече тој кога ја отворил кутијата во која биле парите.

-Подучував многу одделенија, но досега ниту едно не покажа таква љубов и грижа за мојата работа како ова, напиша професорот на Фејсбук покрај снимката која ја објави.

Погледнете: